முருங்கை எண்ணெய் பயன்கள்

முருங்கை மரம் எண்ணற்ற மருத்துவ குணங்களை கொண்டிருக்க கூடியது. இதன் இலை, பூ, காம்புகள், காய், காய்களினுள் இருக்கும் விதை அனைத்துமே அதிகம் பயன்படுத்தகூடிய ஆரோக்கியமான பொருள்களே. உடலுக்கு தேவையான சத்துக்கள் 90க்கும் மேலாக உள்ளது. ஒரு பொருளிலிருந்து இத்தனை சத்துகள் கிடைப்பது அரிது.
 

இந்த முருங்கை சருமத்துக்கும் கூந்தலுக்கும் கூட நிறைவான ஆரோக்கியம் தருகிறது. முருங்கைக்காயிலிருந்து எடுக்கப்படும் விதைகளை கொண்டு தயாரிக்கப்படும் எண்ணெய் முருங்கை விதை எண்ணெய். இது கூந்தலுக்கு தரும் நன்மைகள் தெரிந்தால் தவிர்க்காமல் நீங்கள் இதை பயன்படுத்துவீர்கள்.

​முருங்கை எண்ணெய்

முருங்கை விதைகளிலிருந்து எடுக்கப்படும் எண்ணெயானது உடல் ஆரோக்கியத்துக்கு நன்மை செய்யும் புரதம், நிறைவுற்ற கொழுப்பு, டோக்கோபெரால் மற்றும் ஸ்டெரால் என பலவித ஊட்டச்சத்து கலவைகளை உள்ளடக்கியுள்ளது. இது ஒரு அத்தியாவசிய எண்ணெய் என்றே சொல்லலாம்.

தலை அரிச்சிக்கிட்டே இருந்தா பொடுகு தான் காரணமா? வேற என்ன காரணங்கள்?

இதை சமையலுக்கும் பயன்படுத்துவதோடு சருமம், கூந்தலுக்கும் பயன்படுத்துவதன் மூலம் எண்ணற்ற நன்மைகளை பெறமுடியும். குறிப்பாக கூந்தல் அடர்த்தியை பெற நினைப்பவர்களுக்கு முருங்கை எண்ணெய் என்னென்ன நன்மைகளை தரக்கூடும் என்று பார்க்கலாம்.

​முடியை சுத்தப்படுத்துகிறது

கூந்தலின் வளர்ச்சியில் மிக முக்கியமானது கூந்தல் சுத்தமாக இருப்பது தான். கூந்தலில் அழுக்கு படிந்தால் முடியின் வேர்க்கால்கள் பலவீனமாகும். கூந்தலின் அழுக்கை வெளியேற்ற வாரம் இருமுறை தலை குளியல் மேற்கொண்டாலும் சமயங்களில் கூந்தலின் மயிர்க்கால்களில் அழுக்குகள் இருக்க செய்யும். இதை சுத்தப்படுத்துவதில் முருங்கை விதை எண்ணெய் சிறப்பாக செயல்படுகிறது. கூந்தலுக்கு இந்த எண்ணெய் பயன்படுத்தும் போது இதை தடவி வந்தால் அழுக்குகள் குறிப்பாக கிருமிகள் நீங்கி கூந்தல் சுத்தமாகும்.

​உச்சந்தலையின் ஈரப்பதம் காக்கிறது

கூந்தல் வறட்சிக்கு காரணம் உச்சந்தலையில் உண்டாகும் வறட்சி தான். கூந்தலின் மயிர்க்கால்களினுள் இருக்கும் சரும அடுக்கில் உண்டாகும் வறட்சி கூந்தலை வறட்சிக்குள்ளாக்கும். கூந்தலில் ஈரப்பதம் குறைவதால் அது முடி உதிர்வை உண்டாக்கும்.

கூந்தல் வறட்சியும் ஈரப்பதமும் இருக்கும் போது முருங்கை விதை எண்ணெயை விரல்களில் தொட்டு கூந்தலின் ஸ்கால்ப் பகுதியில் நன்றாக மசாஜ் செய்து கூந்தல் முழுக்க தடவி 3 மணி நேரம் வரை ஊறவிடவும். பிறகு தலைக்கு மைல்டான ஷாம்பு போட்டு குளிக்கவும். வாரம் ஒரு முறை இதை செய்து வந்தால் கூந்தலில் வறட்சி இல்லாமல் பாதுகாக்கலாம்.

​வலுவான கூந்தல்

கூந்தல் பலவீனமாக இருப்பதால் முடி உதிர்வு உண்டாக கூடும். கூந்தலுக்கு தேவையான ஊட்டச்சத்துகள், தாதுக்கள், வைட்டமின்கள் குறைபாடு இருக்கும் போது அது கூந்தலில் பாதிப்பை உண்டாக்கும். இந்த பற்றாக்குறை அதிகரித்தால் முடி உதிர்வை அதிகரிக்க செய்து கொத்து கொத்தான முடி உதிர்வை ஊக்குவிக்கிறது.

முருங்கை விதை எண்ணெயில் இருக்கும் வைட்டமின் சி மற்றும் வைட்டமி இ ஆனது முடிகளை வலுவாக்க செய்கிறது. தினமும் அரை டீஸ்பூன் அளவு முருங்கை விதை எடுத்து கூந்தலின் மயிர்க்கால்களில் மட்டும் மசாஜ் செய்து வந்தால் முடிக்கு வேண்டிய ஊட்டச்சத்து கிடைக்கிறது. அதோடு கூந்தலின் ஆழம் வரை சென்று கூந்தலுக்கு புத்துணர்வூட்டுகிறது.

​பொடுகை விரட்டுகிறது

கூந்தல் பராமரிப்பு குறைபடும் போது அது பொடுகை அதிகரிக்க செய்கிறது. பொடுகு இருந்தால் அது கூந்தலின் பளபளப்பை கெடுக்க கூடும். அதோடு பொடுகு பிரச்சனை அதிகமாகி அது பேன் போன்றவற்றையும் உண்டாக்கிவிடக்கூடும்.

பொடுகு அதிகமாகி அது ஆடையில் உதிரும் வரை காத்திருப்பதை விட பொடுகு இருக்கும் போதே பராமரிப்பு மேற்கொள்வது பாதுகாப்பானது. கூந்தலில் பொடுகு இருந்தால் நீங்கள் முருங்கை விதை எண்ணெயை அதன் மயிர்க்கால்கள் முதல் நுனிவரை தடவி விடுவதன் மூலம் பொடுகு பிரச்சனை தவிர்க்கலாம்.

​கூந்தல் கரு கருவென அடர்த்தியாக வளர

கூந்தல் அடர்த்தியாக கரு கருவென்று, கருமையாக வளர முருங்கை விதை எண்ணெய் மசாஜ் செய்துவருவது நல்லது. கூந்தலுக்கு மசாஜ் செய்யும் போது முருங்கை விதை எண்ணெய் சேர்ப்பதன் மூலம் கூந்தல் சிறந்ஹ பலனை அடையும்.

இளநரையோட முடியும் கொட்டுதா இந்த எண்ணெய் தயாரிச்சு 48 நாள் யூஸ் பண்ணுங்க, கருமை முடி கியாரண்டி!

முருங்கை எண்ணெய் - 2 டீஸ்பூன், டீ ட்ரீ எண்ணெய் - 2 டீஸ்பூன் அதனுடன் நல்லெண்ணெய் அல்லது ஆலிவ் எண்ணெய், பாதாம் எண்ணெய் போன்றவற்றை கலந்து இலேசாக சூடாக்கி கூந்தல் முழுக்க மயிர்க்கால்கள் முதல் நுனி வரை மசாஜ் செய்யுங்கள்.

தலை குளியலுக்கு முன்பு கூந்தலை சுத்தம் செய்து சிக்கில்லாமல் வைத்து இந்த எண்ணெயை மசாஜ் செய்து விடவும். இரண்டு முதல் மூன்று மணி நேரங்கள் வரை ஊறவிட்டு பிறகு தலைக்கு குளிக்கலாம். இரவிலும் இந்த மசாஜ் செய்து ஊறவிட்டு மறுநாள் தலைக்கு குளிக்கலாம். பயன்படுத்திய சில நாட்களில் பலன் கிடைக்கும். இதனால் கூந்தல் பளபளப்பாகவும் அடர்த்தியாகவும் இருக்கும். 

 

தேவை படுபவர்கள் தொடர்பு கொள்ளவும் 

தொடர்பு கொள்ள

அழுத்தவும்